နေနှင့်လတို့သည် ကမ္ဘာလောကကြီးကို သူတလှည့် ငါ့တလှည့် စောင့်ရှောက်ကာ သဘာဝတရားသည် သူ့သဘောသူ ဆောင်ကာ ပုံမှန်လည်ပတ်နေပေသည်။ သူတို့ စောစီးစွာ နိုးကြသည်။ ဦးအိုက်စံ ခေါ်ဆောင်ရာသို့ တန်းစီလိုက်ခဲ့ကြသည်။ အတော်အတန် သွားမိလျှင် ဒုဋ္ဌဝတီမြစ်ကမ်းသို့ ခပ်စောက်စောက် တောင်ပေါ်လမ်းအတိုင်း ထိုးဆင်းသွားပေသည်။ ပြေပစ်သည့် ကတ္တရာလမ်းများတွင် လျှောက်ခဲ့သော လူငယ်များ၏ ခြေထောက်များသည် မတ်စောက်သော တောင်ပေါ်လမ်းတွင် ကုတ်ကပ်လျှောက်ကြရသည်။ ခြေမခိုင် ဒူးမခိုင်လျှင် ယိုင်လဲနိုင်သည်။ နာရီ ဝက်ခန့် ဆင်းမိပြီးနောက် သူတို့သည် ကျောက်တုံးကျောင်ဆောင်တွေကြားသို့ ရောက်သွားသည်။ ကမ်းပါးရံနှင့် သစ်ကြီးဝါးကြီးများကြား ရောက်နေသဖြင့် ပို၍ မှောင်သွားသည်ဟု ထင်မိပေသည်။
“ထမင်းချက်စားကြမယ်ဗျို့”
ဦးအိုက်စံ သယ်လာသော ဆန်နှင့်အိုးကို အရင်းတည်ကာ ထမင်းစားဖို့ ပြင်သည်။ ကျောက်ဆောင် ကျောက်ခွက်တွေအကြား တင်ကျန်နေသော မိုးရေကို ဆရာဒေဖက်ဖြင့် ခပ်ကာ စုဆောင်းဖို့ ပြင်သည်။
“ရေကတော့ တောထဲမှာ ဒီလိုပဲဗျို့။ ရှာကြံသုံးရတာပဲ”
ဆရာဒေက ရေကို ဖက်ဖြင့် ခပ်ကာ စုဆောင်းနေစဉ်မှာပင် ဦးအိုက်စံက မလှမ်းမကမ်း ရေထွက်ပေါက်တခု သို့ ဆန်နှင့်အိုးကိုယူကာ ဆန်ဆေးနှင့်လေပြီ။ ထင်းတိုထင်းခြောက်များဖြင့် ထမင်းတအိုးတည်ကာ ပါလာသည့် ပဲပုပ် ထောင်းနှင့် တို့မြ‡ုပ်ကာ ထမင်းစားလိုက်ကြသည်။ အတန်ငယ် ဆက်လျှောက်လိုက်သည့်အခါ အလင်းရောင်ဖြင့် လက်ပြောင်လှုပ်ရှားနေသော ဒုဋ္ဌဝတီမြစ်ကို ဘွားကနဲ တွေ့လိုက်ရပေသည်။
ရေစီးကားသန်လှ၏။ မုန်ယိုနေသော တောဆင်ရိုင်းတကောင် စွယ်စုံဖွင့်ကာ ထိုးဆင်းလာသည်နှင့် တူလွန်း လှသည်။ ရေမှာ ရွှံ့နှစ်များဖြင့် နီညိုနောက်ကျိလျက်ရှိ၏။ သစ်တုံးသစ်ခက် သစ်ရွက်သစ်ဆွေး ဒိုက်သရိုက်တို့ တဟုန် ထိုးစီးမျောနေသည်။ ရံဖန်ရံခါ အမြစ်မှ ကျွတ်ကာ တအုန်းအုန်း လှိမ့်ဆင်းမျောပါလာသော သစ်ပင်ကြီးများလည်း ပါသည်။ ဒေါမာန်ပွားနေသော တိမ်ဆုပ်မြူဆုပ်များကို ဖမ်းဆီးစားသောက်နေသော နဂါးမင်း၏ ကျောမှ ကျော်ဖြတ် ကာ တဖက်ကမ်းသို့ သူတို့ ကူးကြရပေမည်။
ခရီးစဉ်ကို သူတို့ ကြိုတင်မသိပေ။ စီစဉ်ပေးသူ ရဲဘော်မှလည်း လျှို့ဝှက်ရေးကြောင့်ထင်သည် အသေးစိတ် ပြောမထားပေ။ ထောက်လှမ်းရေးကို မျက်ခြေဖြတ်ရမှာ ဖြစ်သည့်အတွက် ရေဘော၊ မိုးကာစစသည့် အပိုပစ္စည်းများ လည်း ဘာမှ ယူမလာခဲ့ကြချေ။
ဦးအိုက်စံက ကြိုတင်ပြုလုပ်ထားသော ဝါးဖောင်တစီးကို ဖွက်ထားရာမှ ယူလာခဲ့သည်။ ဖောင်ပေါ်တွင် ဝါးပိုး ကို ထွင်းခုတ်ထားသော လှော်တက်များနှင့် ချိတ်တပ်ထားသော အလုံးသေးသေးတောင့်တောင့် ဝါးကိုင်းရှည်တ ချောင်း ပါသည်။ သူတို့သည် ပါလာသော ပစ္စည်းများကို ဝါးဖောင်အလယ်တွင် စုချည်ကာ နှီးဖြင့် တုပ်နှောင်လိုက် သည်။
“အားလုံး တချည်တည်း ရမလား”
ဦးအိုက်စံ ခေါင်းညိတ်ပြသည်။ လူခြောက်ယောက်တက်စီးလိုက်သဖြင့် ဝါးဖောင်သည် ရေတွင် ပေါ်ရုံသာ ရှိတော့သည်။
“ကဲ ထွက်မယ်”
သူတို့ထဲတွင် ရေကူးတတ်သူရော မကူးတတ်သူရော ပါသည်။ ရေကူးတတ်သူကလည်း ကန်တော်ကြီး၊ အင်းလျားစသည့် ရေသေတွင်သာ ကူးဖူးသူများဖြစ်သဖြင့် ရေစီးကြမ်းသော ဝါခေါင်လ ဒုဋ္ဌဝတီနဂါးမင်းနှင့် အပြိုင်ကူး ဖို့ မဝံ့ချေ။ ဖောင်ကလေးသည် ရေစီးကြောင်းအတိုင်း တဟုန်ထိုး စီးမျောသွားပေပြီ။ ရွှံ့ရေဖြင့် ရိုက်ပုတ်မှုကြောင့် သူတို့အားလုံး စိုရွှဲကုန်ကြပြီ။ ရေကန်သာမှာ လှေအပျော်စီးခြင်းမဟုတ်။ ယောက်ျားဖောင်စီး မိန်းမမီးနေဆိုသည့် စကားကို သူတို့ လက်တွေ့ကြုံနေရသည်။
“လှော်ပါဟ လှော်ပါ”
“မျောပြီ မျောပြီ ဖိလှော်ပါဟ ရှေ့မှာ ဝဲရှိတယ်”
ကြောက်ကြောက်ရွံ့ရွံ့နှင့် ငုပ်တုတ်ထိုင်နေသူများသည် ခြေစုံရပ်ကာ တတ်သလောက် မှတ်သလောက် အားကုတ်ထုတ် လှော်ကြတော့၏။ သို့ရာတွင် ဖောင်သည် ရေလယ်မှ မခွာ ရေစီးအတိုင်း တဟုန်ထိုး မျောလေသည်။ ဖောင်ဦးမှ လှော်နေသည့် ဦးအိုက်စံကို လှမ်းကြည့်လိုက်တော့ စိုးရိမ်ပူပန်သည့် အရိပ်အယောက်ကို မြင်ရသည်။
“လှော်ဟေ့ လှော်ဟေ့ အားစိုက်လှော်ကြ”
“ဝုန်း”
ဦးအိုက်စံသည် မပြောမဆို ရေထဲခုန်ချကာ ဖောင်ဦးမှနေ၍ အားစိုက်ကာ ဖောင်ကို ရေစီးကြောင်းအတွင်းမှ ဆွဲထုတ်သည်။ ဆွဲရင်းလှော်ရင်း ရုန်းရင်းကန်ရင်း ဖောင်သည် ကမ်းတဖက်သို့ ကပ်သည်ထက် ကပ်လာခဲ့သည်။ သို့ ရာတွင် တဖက်ကမ်းမှ ရေစီးက ပုတ်ထုတ်နေသဖြင့် ဖောင်သည် ကမ်းသို့ တော်တော်နှင့် ကပ်၍မရ ဆက်၍ မျော ပြန်သည်။
“ချိတ် ချိတ်... ချိတ်နဲ့ဆွဲ”
ဦးအိုက်စံသည် အသင့်လုပ်ထားသော ဖောင်ပေါ်ပါလာသည့် ဝါးချိတ်ဖြင့် တယောက်က ကမ်းစပ်နီးရာသစ်ကိုင်း သစ်ခက်များသို့ ချိတ်ဖြင့် လှမ်းဆွဲသည်။ သုံးလေးချက်မျှ ကြိုးစားလိုက်တော့မှ သစ်ကိုင်းတကိုင်းနှင့် ချိတ်မိပြီး မျောနေသော ဖောင်သည် တုံ့ခနဲ တန့်သွားသည်။ ဝါးကိုင်းကို ဆွဲကာ ဖောင်ကို ကမ်းသို့ ကပ်ရသည်။
ခုမှ အားလုံးစိတ်အေးသွားသည်။ ရေထဲမှ ပြန်တက်လာသော ဦးအိုက်စံ၏ မျက်နှာသည် ယခုမှ ပုံမှန်အ တိုင်း ဝင်းပလာကာ နှစ်ခြိုက်စွာ ပြုံးလိုက်သည်။ သူ့အပြုံးတွင် တာဝန်ကြီးတရပ် ပြီးဆုံးသွား၍ စိတ်ချလက်ချ ဖြစ် သွားသည့်အသွင် ပေါ်လွင်လှပေသည်။ လွတ်လပ်မှုအပြုံးသည် အားလုံးသို့ ကူးစက်သွား၏။ ရိုးသားသော တာ ဝန်ယူစိတ်ကြီးသော တောင်ပေါ်သား ရှမ်းအမျိုးသားကြီး၏ အပြုံးကို သူတို့ ဘယ်တော့မှ မေ့နိုင်ကြတော့မည် မဟုတ်ချေ။
“ရှေ့မှာ ကွေ့ရှိတယ်။ ကျောက်ဆောင်လည်း ပေါတယ်။ ဝဲတွေလည်း ပေါတယ်။ ဆက်မျောသွားရင် ဗမာ (စစ်တပ်) တပ်စခန်းလည်း ရှိတယ်”
ဦးအိုက်စံက စိုးရိမ်စွာပြောသည်။ ထိုစဉ်က ကမ်းပါးတလျှောက် ချုံနွယ်များကို တိုးဝှေ့လာသော သစ်ရွက် စိမ်း ယူနီဖောင်းဝတ် ရဲဘော်တယောက် ပေါ်လာသည်။ သူနဲ့အတူ ရဲဘော်တချို့ပါလာသည်။
“စိုးရိမ်လိုက်တာဗျာ။ ခင်ဗျားတို့ တော်တော် မျောသွားသလားလို့”
“ရေစီးတော်တော် ကြမ်းတယ်ဗျို့။ ဦးအိုက်စံ ကောင်းပေလို့”
သူတို့ နှစ်ဖာလုံလောက် မျောခဲ့သည် ထင်သည်။ တဖက်ကမ်း သူတို့ ထွက်လာသော နေရာကို လျှပ်ရောင် တွင် အတော်ဝေးဝေးမှာ မြင်ရသည်။ လာကြိုသည့် ရဲဘော်ကြီးမှာ ၁၉၆၂ ဇူလိုင် ၇ အရေးအခင်းကာလက အညာ သား ကျောင်းသားရဲဘော်ဟောင်းကြီးတယောက်ဖြစ်မှန်း နောင်မှ သိရသည်။
မြစ်တဖက်ကမ်းသည် ပြောက်ကျားအခြေခံဒေသ၊ တစိတ်တပိုင်း လွတ်မြောက်ဒေသဟု ပြောနိုင်သည်။ သူတို့သည် စကားတပြောပြောနှင့် တောင်ပေါ်လမ်းအတိုင်း တက်ခဲ့ကြသည်။ ယခုမှပဲ စိတ်ချလက်ချ လွတ်မြောက် သွားတော့သည်။ ကချင်က ခုန်ချင်ခုန် အော်ချင်အော် ဟစ်ချင်ဟစ်၊ ဝရမ်းပြေးနှင့် ထောင်ထွက်များသည် ပြည်သူ့ တပ်မတော်သား ပြောက်ကျား ရဲဘော်သစ်လွင်များ ဖြစ်သွားကြလေပြီ။

တောင်ပေါ်လမ်းအတိုင်း တက်လာခဲ့ရာ အတော်သွားမိလျှင် ပြန့် ရောက်ခဲ့ကြသည်။ နေ အတော်မြင့်ပေပြီ။ ကားသံလူသံ တညံညံဖြင့် ပွက်လော ရိုက်နေသော မြို့ပြသိုက်မြုံ၌ ကြီးပြင်းခဲ့ရသူတို့သည် ကျေးသံငှက်သံဖြင့် တိတ် ဆိတ်အေးချမ်းသော တောင်ပေါ်တောလမ်းကလေးအတိုင်း လျှောက်လာရသဖြင့် ကြည်နူးလန်းဆန်းမှုကို ဖြစ်ပေါ် စေ သည်။ ကြည့်လေရာ သစ်ပင်ဝါးပင်ချုံနွယ်တောပန်းတို့က မျက်စိပသာဒကို ဖမ်းစားနေသည်။
ဟော ရှေ့မှာ ကျွဲရိုင်းတကောင်၊ နှာတဖူးဖူး ခွာတရှပ်ရှပ်ဖြင့် လမ်းကို ကားယားခွကာ သူတို့ကို ဆီးကြိုနေ သည်။ ကျွဲရိုင်းတော့ မဟုတ်ပါ။ မောင်းတက် ဝါးကိုင်းဖျားတွင် ကြိုးရှည်ရှည်နှင့် ချည်ကာလှန်ထားသော ခိုင်းကျွဲကြီး ပေပဲ။ ဒီဒေသမှာ ကျွဲတွေကို ရွာနှင့်လှမ်းလှမ်း စားကျက်ကောင်းကောင်းမှာ လှန်ထားတတ်သည်။ အပျောက်အရှ မရှိပေ။ လမ်းက ကျဉ်းကျဉ်း ဘေးတဖက်စီ ချုံတွေ ထူထပ်နေသဖြင့် မသွားသာ ဖြစ်နေသည်။ ကျွဲကြီးက ဝဖြိုးတောင့် တင်းသည်။ လူစိမ်းတွေ တွေ့သဖြင့် ရိုင်းချင်နေသည်။
ရှေ့က သွားနှင့်သူတို့မှာ ကျွဲမောင်းမရ၊ ကျွဲက လမ်းဖယ်မပေး။ ပေစောင်းစောင်းဖြင့် ချိုဝင့်နေသည်။ ကျွဲနှင့် လူတို့ ဆိုင်နေကြစဉ် ခပ်လှမ်းလှမ်းမှ လိုက်ပါလာသော ဦးအိုက်စံရှေ့ကို တက်ကာ ဘာမပြောညာမပြော ကျွဲရှေ့မှာ ခြေကောလက်ကော ဖားခုန်ခုန် စုံမြှောက်ကာ ခြောက်လေသည်။ ဦးအိုက်စံ၏ ကိုး ရိုးကားရားအမူအရာနှင့် ခြေကား ရား လက်ကားရား ဝူးဝူးအော်ကာ ခြောက်လှန့်မှုကြောင့် ရိုင်းချင်သည့်ကျွဲ ချုံကြားသို့ တိုးဝင်ပြေးလေသည်။
သူတို့အားလုံး တဟားဟား ရယ်မောကြသည်။ ဦးအိုက်စံ၏ ဝင်းပသော မျက်နှာသည် စပ်ဖြီးဖြီးဖြင့် ပြုံးလေသည်။ ဦးအိုက်စံ၏ ခုန်ပေါက်မြူးကြွ ကိုးရိုးကားရား အမူအရာက သူတို့ကို ကူးစက်သွားပေသည်။ ကျွဲကို နိုင်တာ လယ်သမားပေပဲ။
သူတို့ ရွာတွေ ဖြတ်လာကြတော့ ဦးအိုက်စံ ပါမလာတော့ပေ။ မေးကြည့်တော့ တမင်ချန်နေရစ်ခဲ့ကြောင်း သိရသည်။ ဦးအိုက်စံအား နောက်ထပ်မတွေ့ရတော့ပေ။ တခါသာ ရွာဘုန်ကြီးကျောင်းပွဲတခုတွင် လူအုပ်ကြားမှာ လှမ်းတွေ့လိုက်ရသည်။ ဦးအိုက်စံက မသိမသာ ပြုံးပြကာ နှုတ်ဆက်သည်။ လျှို့ဝှက်ရေးကြောင့် သူတို့က ဦးအိုက်စံ ကို နှုတ်ဆက်ခြင်းမပြုပေ။
နွေမိုးဆောင်း ရာသီတွေ အလီလီပြောင်းခဲ့ပေပြီ။ သူတို့သည် ထိုးစစ်တွေ ဗုံးအမြောက်ကျည်ဆန်တွေကြား ဖြတ်သတ်းခဲ့ကြသည်။ ဒုဋ္ဌဝတီလိုပင် ကြမ်းသော ရိုင်းသော မြစ်တွေ ချောင်းတွေများစွာကို ဖြတ်သန်းခဲ့ကြသည်။ သံ လွင်ကို အခေါက်ခေါက် ကူးခဲ့ကြသည်။ ဝါးဖောင်ကို ကိုယ်တိုင် ဖွဲ့ကာ ကိုယ်တိုင် မျှောခဲ့ကြသည်။ ရေစီးသန်သော မြစ်တွေချောင်းတွေမှာ ဖျံတကောင်လို ကူးခဲ့ကြသည်။
တောင်တွေတောင်တွေ၊ တောတွေတောတွေ၊ ခြေရာချင်း ထပ်အောင် သွားခဲ့ကြသည်။ ခြေထောက်တွေ အသားမာတက်၊ လည်ဂုတ်တွေ ºကက်သားတက်အောင် ခရီးကြမ်းတွေ ဖြတ်သန်းခဲ့ကြသည်။ တောနှင့်တောင်ကို အသားကျခဲ့ကြသည်။
သူတို့သည် ဦးအိုက်စံကို မမေ့။ အကြောင်းတိုက်ဆိုင်တိုင်း သတိရသည်။ ဦးအိုက်စံသည် သူတို့၏ လက်ဦး ဆရာပေပဲ။ ဦးအိုက်စံ၏ စနစ်ကျမှု စေ့စပ်သေချာမှု တာဝန်ယူမှု ဝိရိယရှိမှု ကြံ့ခိုင်မှု ဇွဲသတ္တိရှိမှု အနစ်နာခံမှု ကိုယ့်အားကိုယ် ကိုးမှုတို့သည် စံနမူနာများ ဖြစ်ခဲ့ပေသည်။
ဧရာဝတီကို အခေါက်ခေါက် လက်ပစ်ကူးခဲ့သော ညောင်ဦးကမ်းပါးက ညောင်ဦးဖီးလို ဒုဋ္ဌဝတီကို အခေါက် ခေါက်ကူးခဲ့သော ဒုဋ္ဌဝတီကမ်းပါးက ဦးအိုက်စံ။ ကျွဲရိုင်းကို ယဉ်ပါးစေသော လယ်သမားကြီး ဦးအိုက်စံ။ ရိုးသား ပျော် ရွှင်တတ်သော တောင်ပေါ်သားကြီး ဦးအိုက်စံ။ သူ အကြိမ်ကြိမ် အလီလီ ပို့ပေးခဲ့သော ဝရမ်းပြေးနှင့် ထောင်ထွက် တွေ ဘယ်လောက်များပြီလဲ။
ဒုဋ္ဌဝတီသည် ရိုင်းတခါ ယဉ်တလှည့် ကြမ်းတခါ ညင်သာတလှည့် နောက်တခါ ကြည်တလှည့် စီးမြဲစီးလျက် ရှိ၏။ နှစ်အတန်ကြာသည့်အခါ တခါ သူတို့ချင်း ပြန်တွေ့စဉ် စိတ်ထိခိုက်ဖွယ်ရာ သတင်းဆိုးတရပ် ကြားလိုက်ရသည်။
စစ်အစိုးရစစ်တပ်က ရွာကိုဝိုင်း ဦးအိုက်စံကို လက်ပြန်ကြိုးတုပ် ရွာပြင်ထုတ်ကာ နှိပ်စက်ညှဉ်းပန်းပြီး လူမဆန်စွာ သတ်ဖြတ်ခဲ့လေသည်။ အိုက်စံသည် ကွန်မြူနစ် အမာခံဆိုပဲ၊ အမာခံဆိုလျှင် တရားမရှိ ဓားမရှိ လက်လွတ်စပယ် လုပ်ခွင့် ရှိပါသလား။ စစ်ပွဲစစ်မြေပြင်တွင် တဖက်နှင့်တဖက် အသေအကြေ ပစ်ခတ်သတ်ဖြတ်ကြသည်မှာ အဆန်းမ ဟုတ်သော်လည်း ရပ်ထဲရွာထဲနှင့် မြို့ကြီးပြကြီးတွေပေါ်တွင် ဥပဒေမဲ့ ထင်သလို သတ်ဖြတ်ခွင့် ရှိပါသလား။ သူရဲ ဘောကြောင်လွန်းလှပေသည်။
စစ်အစိုးရ ကြေးစားစစ်တပ်၏ ဗိုလ်ကျ ရမ်းကားမှုများကို မကြာခဏ မြင်ရကြားရပါ များလာသည့်အခါ အမာခံဆိုသည်မှာ အဖိနှိပ်ခံပြည်သူလူထုကြီးပင်ဖြစ်သည်ဟု သဘောပေါက်လာမိပေသည်။ ထောင်ထွက် ဝရမ်းပြေး နှင့် အမာခံတို့သည် တသားတည်း ရှိနေခဲ့ပေသည်။ ဒီအထဲတွင် သစ္စာဖောက်များ မပါဝင်ပေ။ သစ္စာဖောက်သူများ သည် ကျေးဇူးကန်းသူများ ဖြစ်ကြပေသည်။ တချိန်က သူတို့ကို ကူညီရိုင်းပင်းခဲ့သော သူတို့က မှီခိုအားထားခဲ့သော အမာခံများကို သူတို့၏ ကိုယ်ကျိုးစီးပွားအတွက် ရောင်းစားကြသူများ ဖြစ်သည်။
စကားတလုံးမျှမပြော လုပ်စရာရှိသည်ကို ရင်စည်း၍ လုပ်ကိုင်တတ်သော ရိုးသားသိမ်မွေ့သည့် တော၏ သမီးပျိုဖြစ်သော ဦးအိုက်စံ၏ ဇနီးကော။ ကြေးစားတပ်က စော်ကားခဲ့လေသလော။ ချစ်စဖွယ် စူးစမ်းတတ်သော နှလုံးသားဖြူစင်သည့် ဦးအိုက်စံ၏ သမီးနှင့်သားငယ်ကော မိမဲ့ဘမဲ့ လွင့်မျောခဲ့ပြီလော။ စိုးရိမ်ပူပန်စွာဖြင့် သတိတရ အောက်မေ့မိလေသည်။
ဦးအိုက်စံတို့ မိသားစုအကြောင်း စဉ်းစားမိတိုင်း သူသည် မလွှဲသာမရှောင်သာ ခွဲခွာလာခဲ့ရသည့် အမေနှင့် ညီငယ်နှမငယ်များကို လွမ်းဆွတ်မိလေသည်။

အောင်ငြိမ်း
(၂ဝဝ၉၊ ဖေဖော်ဝါရီ ၇)