ဒါကို မရေးခင် ပထမဆုံး ဗမာပြည်က စစ်အာဏာရှင်စနစ်၊ စစ်အစိုးရ၊ စစ်အုပ်စုရဲ့ စစ်ဝါဒကိုတိုက်ဖျက် ပစ်ရေးနဲ့ပတ်သက်ပြီး တချက်လောက် တို့လိုက်ချင်သေးတယ်။ ဒါနဲ့ပတ်သက်ပြီး လီနင်ပြောခဲ့ဖူးတဲ့ သင်ကြား ချက်တခုကို အခုထိ စွဲနေတုန်းပဲ။ သူက “စစ်ဝါဒကို ရှုတ်ချရုံဆဲရေး ငြင်းပယ် ရုံ၊ ဒါမှမဟုတ် ဒီဝါဒ အန္တရာယ်ကြီးကြောင်း ဝေဖန်ရုံ
ချေပပြောဆိုရုံနဲ့ မရဘူး။ စစ်ရေးအရလုပ်ဖို့ ငြင်းပယ်တာဟာ ငြိမ်းချမ်းစွာ ရူးမိုက်မှုပဲ”တဲ့။ ဒီသင်ကြားချက်ကို ကျွန်တော် လက်ခံတုန်းပဲ။
တဆက်တည်း ကမ္ဘာ့အခြေအနေ၊ ဗမာပြည်အခြေအနေ ပြောင်းသွားပေမယ့် ကျွန်တော့်ယုံကြည်ချက်တွေ၊ အမြင်တွေ ပြောင်းမသွားဘူးဆိုတာ ပြောချင်တယ်။ မပြောင်းရုံမက ပိုလို့တောင် ခိုင်မာလာသေးတယ်လို့ ပြောနိုင် တယ်။ ဘာကြောင့်လဲ။ တခွန်း တည်းပြောရရင် ကျွန်တော်ယုံကြည်လက်ခံထားတာဟာ “သိပ္ပံနည်းကျ ဆိုရှယ် လစ်ဝါဒ” ဖြစ်နေလို့ပါပဲ။
ပိုရှုပ်သွားပြီလား ကိုသစ္စာ။ စစ်အေးခေတ် ပြီးဆုံးသွားတာနဲ့အတူ ကမ္ဘာ့ပထမဆုံး ဆိုရှယ်လစ် နိုင်ငံ တော်ကြီးဖြစ်တဲ့ ဆိုဗီယက် ပြည်ထောင်စုကြီးနဲ့ အရှေ့ဥရောပ ဆိုရှယ်လစ်နိုင်ငံတွေ အသွေးအရောင်ပြောင်းသွားတဲ့ ဆိုးဝါးလှတဲ့ အရေးအခင်း ပေါ်လာတော့ ဓနရှင်လူတန်းစားဘက်တော်သား အတွေးအခေါ်အဘိဓမ္မာ ပညာရှင် တွေက “ဆိုရှယ်လစ်ဝါဒ ကမ္ဘာပေါ်က ပျောက် ဆုံးသွားပြီ”“အရင်းရှင်စနစ်သာလျှင် လူသားတွေအတွက် အကောင်း ဆုံး”စသဖြင့် လက်ပန်းပေါင်းခတ် ကြွေးကြော်ခဲ့ကြတယ်လေ။ သူတို့ဝါဒဖြန့်နေကြသလို တချို့လည်း ကွန်မြူ နစ်အရေးတော်ပုံကြီး တကယ့်ကို ပျောက်သွားပြီလို့ ထင်ကြပုံပဲဗျာ။
သူတို့ကြွေးကြော်ကြသလို ကျွန်တော်ကတော့ လက်မခံဘူး။ အဲဒီလိုလည်း မယုံကြည်ဘူး။ ဒါပေမယ့် ဒီအရေးအခင်းဟာ ဆိုရှယ်လစ်အရေးတော်ပုံ နောက်ဆုတ်သွားမှု၊ ကွေ့ကောက်သွားမှုအဖြစ်လို့တော့ အမှန် တကယ်ပဲ အသိအမှတ်ပြုတယ်။ တချိန်တည်းမှာလည်း ဒါဟာ ရှောင်လွှဲမရနိုင်တဲ့ တရားဖြစ်တယ်လို့ အသိ အမှတ်ပြုပါတယ်။ အလျဉ်းသင့်လို့ လူ့အဖွဲ့အစည်း ဖြစ်ပေါ် တိုးတက်မှုတရားနဲ့ ပတ်သက်လို့ အနည်းငယ် တင်ပြပါရစေ။
ဘယ်လူ့အဖွဲ့အစည်းမှ အပြောင်းအလဲမရှိ၊ ထာဝစဉ် ရပ်တန့်မနေပါဘူး။ လူမှုစနစ်တိုင်းဟာ ယာယီ သာဖြစ်တယ်။ ဒိထက် တဆင့်မြင့်တဲ့ လူမှုစနစ်တခုဖြင့် မုချအစားထိုးခံရပါလိမ့်မယ်။ ရှေးဘုံလူအဖွဲ့အစည်းကို ကျေးကျွန်စနစ်က အစားထိုးခဲ့တယ်။ ကျေးကျွန်စနစ်ကို ပဒေသရာဇ်စနစ်က အစားထိုးလိုက်တယ်။ ပဒေသရာဇ် စနစ်ကိုလည်း အရင်းရှင်စနစ်က အစားထိုးခဲ့တယ် မဟုတ်လား။ ထိုနည်းတူ အရင်းရှင်စနစ်ကို ဆိုရှယ်လစ်စနစ်က မုချအစားထိုးပါလိမ့်မယ်။ ဒါလူ့အဖွဲ့အစည်း ဖြစ်ပေါ်တိုးတက်မှုတရားပဲ။ ဘယ်သူ့စိတ်ဆန္ဒနဲ့မှ မဆိုင်ပါဘူး။ ဘယ်ပုဂ္ဂိုလ်၊ ဘယ်အင်အားစုကမှ တားဆီးလို့လည်း ရမှာမဟုတ်ပါဘူး။
ဒါကြောင့် ဆိုရှယ်လစ်စနစ် ချုပ်ငြိမ်းသွားပြီလို့ ဘယ်လိုလုပ် သက်သေထူလို့ ရမှာလဲ။ ဘယ်လူမှု စနစ်ဖြစ်ဖြစ် ချီတက်ရာ လမ်းခရီးဟာ အကွေ့အကောက် အတက်အဆင်းတွေနဲ့ ပြွမ်းတီးနေခဲ့တာပဲ မဟုတ်လား။ အရင်းရှင်စနစ်ဟာ အခုဆိုရင် နှစ်ပေါင်း ၃ဝဝ ကျော်တောင် ရှိသွားပြီ။ ဒီသမိုင်းကာလအတွင်း စနစ်ဟောင်း ပြန်ပေါ်လာခြင်း၊ စနစ်သစ်အတွန်းလှန်ခံရခြင်းဆိုတဲ့ အကွေ့အကောက်အတက်အဆင်းတွေ ကြုံတွေ့ခဲ့ရတာပါပဲ။ ဒီအတိုင်းပဲပေါ့၊ ဆိုရှယ်လစ်စနစ်ဟာလည်း ချီတက်ရာလမ်းခရီးမှာ အကွေ့အကောက်အတက်အဆင်းတွေ အပြန်ပြန်အလှန်လှန် ဖြစ်ပေါ်မှုတွေနဲ့ ရင်ဆိုင်ရပါလိမ့်မယ်။ ဒါဟာ လူ့အဖွဲ့အစည်း ဖြစ်ပေါ်တိုးတက်မှုတရားနဲ့လည်း ကိုက်ညီပါတယ်။
ဒီနေ့ဆိုရှယ်လစ်စနစ် ဖြစ်ပေါ်တိုးတက်မှုသမိုင်းကို ကြည့်ရင် ၁၉၁၇ အောက်တိုဘာတော်လှန်ရေး အောင်ပွဲခံပြီးနောက် ပထမဆုံး ဆိုရှယ်လစ်နိုင်ငံပေါ်လာတဲ့အချိန်က စတင်ရေတွက်ကြည့်ရင် အနှစ် ၈ဝ ကျော် ၉ဝ လောက်သာ ရှိပါသေးတယ်။ သမိုင်းခေတ်တွေနဲ့စာရင် အင်မတန် နုနယ်ပါတယ်။ ၂ဝ ရာစုနှောင်းပိုင်း ၉ဝ ခုနှစ်များအစပိုင်းမှာ ဆိုရှယ်လစ်နိုင်ငံတချို့ အသွေးအရောင် ပြောင်းသွားခြင်းကြောင့် ဆိုရှယ်လစ်စနစ်ဟာ ယာယီ အားဖြင့် အမှန်တကယ်ပဲ ချည့်နဲ့သွားပေမယ့် ပြည်သူလူထုကြီးအနေနဲ့ ထုသားပေသား ရခဲ့ကြတယ်။ အဖိုးတန် သင်ခန်းစာများ ထုတ်ယူနိုင်ခဲ့ကြတယ်။ ဒါတွေက ရှေ့အဖို့ ဆိုရှယ်လစ်စနစ်ကို ချီတက်ရာမှာ ပိုမိုပြည့်စုံတဲ့၊ မှန်ကန် တဲ့ ဦးတည်ချက်အတိုင်း လမ်းခင်းပေးလိုက်တာဖြစ်တယ်လို့ ကျွန်တော်ကတော့ ခံယူပါတယ်။
မျက်မှောက် အနောက်တိုင်း အရင်းရှင်နိုင်ငံတွေ ဖြစ်ထွန်းတိုးတက်နေမှုနဲ့ ဆိုရှယ်လစ်နိုင်ငံတွေ အသွေးအရောင်ပြောင်းသွားမှုတွေကို ကြည့်ပြီး ကျွန်တော်တို့ မျက်စိမလည်သင့်ပါဘူး။ အနောက်တိုင်း အရင်းရှင် နိုင်ငံတွေမှာ ကြောက်မက်ဖွယ်ရာ ကောင်းလောက်အောင် အနိဋ္ဌာရုံတွေ၊ နေထိုင်မှုစရိတ်ကြီးမြင့်မှုတွေနဲ့ အခုနောက် ဆုံး ဘဏ္ဍာငွေကြေးကပ်ပေါ်ပေါက်နေလို့ ကြုံတွေ့နေရတဲ့ ဆင်းရဲဒုက္ခတွေက နေရာတကာမှာ တော်လှန်ရေး စိတ်ဓာတ် ဖြစ်ပေါ်စေတယ်ဆိုတာကို သတိမူသင့်ပါတယ်။
ကဲ.. ကိုသစ္စာရေ....ရေးလိုက်တာလည်း နည်းနည်းများသွားလို့ နောက်တပတ်မှပဲ ကျွန်တော် ဆုပ်ကိုင် ထားတဲ့ သိပ္ပံနည်းကျ ဆိုရှယ်လစ်ဝါဒ အကြောင်း ဆက်လက်ရေးပါ့မယ်။
ကျွန်တော်တို့ တော်လှန်ရေးသမားများအဖို့ ကျန်းမာရေးဟာ အရင်းအနှီးတရပ်ဖြစ်တယ် လို့ ဆိုရိုးစကားတခွန်းရှိလို့ ခင်ဗျား ကျန်းမာရေးကို ဂရုစိုက်နိုင်ပါစေလို့ ဆန္ဒပြုလိုက်ပါတယ်။
ကိုသစ္စာရဲ့...
ရဲဘော်ပြုံးချို
သြဂုတ် ၂ ၊ ၂ဝဝ၉။
