တပ်မတော်ကို ပြည်သူ့အခွန်ဘဏ္ဍာများနဲ့ ထူထောင်တာဖြစ်တယ်။ အလုပ်သမား၊ လယ်သမား၊ မြို့နေဆင်းရဲသား၊ ပညာတတ်လူငယ် စတဲ့ လုပ်သားပြည်သူအများစုကြီးရဲ့ ရင်သွေးတွေနဲ့ဖွဲ့စည်းထားတာ ဖြစ်တယ်။

တပ်မတော်ဟာ လူမျိုးစုံပြည်သူ အများစုကြီးရဲ့ ဆန္ဒသဘောထားနဲ့ အတည်ပြုပြဋ္ဌာန်းထားတဲ့ ဖွဲ့စည်းပုံအခြေခံဥပဒေအရ ရွေးကောက်တင်မြှောက်ခံရတဲ့ အစိုးရတရပ်ရဲ့လက်အောင်ခံ နိုင်ငံတော် ကာကွယ်ရေး လက်နက်ကိုင်အဖွဲ့အစည်းဖြစ်တယ်။ ဒါကြောင့် နိုင်ငံတော်ဖွဲ့စည်းပုံအခြေခံ ဥပဒေကို သစ္စာ စောင့်သိဖို့ ဖွဲ့စည်းအုပ်ချုပ်ပုံအခြေခံဥပဒေအရ ရွေးကောက်တင်မြှောက်ခံရတဲ့ အစိုးရကို သစ္စာခံဖို့ရာဟာ တပ်မတော်ရဲ့ တာဝန်ပဲဖြစ်တယ်။

နိုင်ငံတော်ဖွဲ့စည်းအုပ်ချုပ်ပုံ အခြေခံဥပဒေကို ချိုးဖောက်တာ ဖွဲ့စည်းအုပ်ချုပ်ပုံအခြေခံဥပဒေအရ အာဏာရလာတဲ့ အစိုးရတရပ်အပေါ် သစ္စာမစောင့်သိတာတို့ဟာ နိုင်ငံတော်သစ္စာဖောက်မှုဖြစ်သလို တပ်မ တော်ဆိုင်ရာ စစ်စည်းကမ်းဥပဒေကို ချိုးဖောက်တာလည်းဖြစ်တယ်။ ( ဖွဲ့စည်းအုပ်ချုပ်ပုံအခြေခံဥပဒေအရ တက်လာတဲ့  အစိုးရတရပ်ရပ်ဟာ နိုင်ငံတော်ကို ဆက်လက်အုပ်ချုပ်နိုင်စွမ်းမရှိတော့ဘူးလို့ ယူဆခြင်းခံရ ရင် အစိုးရအပြောင်းအလဲကို ဖွဲ့စည်းအုပ်ချုပ်ပုံအခြေခံဥပဒေအရသာ လိုအပ်သလိုဆောင်ရွက်ရမှာဖြစ် တယ်။  တပ်မတော်က ဘယ်လိုအကြောင်းပြချက်နဲ့မှ ပါဝင်ပတ်သက်ခွင့်မရှိဘူး။ )

တပ်မတော်ကို ဖွဲ့စည်းထူထောင်တာရဲ့ ရည်ရွယ်ချက်ဟာ လူမျိုးစုပြည်သူတရပ်လုံးရဲ့ အကျိုးစီး ပွားမှန်သမျှကို စောင့်ရှောက်ဖို့၊ တိုင်းပြည်နယ်နမိတ်နဲ့အချုပ်အခြာအာဏာကို တည်ဆဲအစိုးရရဲ့ ခေါင်း ဆောင်မှုအောက်မှာ ကာကွယ်ဖို့ဖြစ်တယ်။ အဲ့ဒီရည်ရွယ်ချက်နဲ့ဆန့်ကျင်ပြီး လက်တဆုပ်စာ လူနည်းစု အကျိုးစီးပွားအတွက် တပ်မတော်ကို အသုံးချတဲ့ ဘယ်လိုအသုံးချမှုမျိုးကိုမဆို နိုင်ငံတော်နဲ့ တပ်မတော် အပေါ်သစ္စာဖောက်တာပဲဖြစ်တယ်။ တမျိုးသားလုံးရဲ့အကျိုးစီးပွားကို ဖျက်ဆီးရာရောက်တဲ့ အမျိုးသား သစ္စာဖောက်မှုပဲဖြစ်တယ်။

တပ်မတော် တပ်မှူး၊ အကြပ်၊ တပ်သားတိုင်း နေ့စဉ် အလံတင် အလံချ အလေးပြုရာမှာ ရွတ်ဆိုတဲ့ သစ္စာအဓိဋ္ဌာန်(၄)ချက် နောက်ဆုံးအပိုဒ်မှာ -

“ငါ့နိုင်ငံတော်၊ ငါ့နိုင်ငံသား၊ ငါ့တပ်မတော်အတွက် ငါ၏အသက်ကို စွန့်လွှတ်ရန် အဓိဋ္ဌာန်ပြုပါ၏” လို့ပါရှိတယ်။ ဒါဟာ ငါ့တပ်မတော်ရဲ့ အမြင့်ဆုံးအာဏာပိုင် ကာကွယ်ရေးဦးစီးချုပ်ကစလို့ အောက်ခြေသာ မန်တပ်သားလေးအထိ ဘယ်သူမှ ချိုးဖောက်ခွင့်မရှိတဲ့ သံမဏိစစ်စည်းကမ်းဖြစ်တယ်။ အကယ်၍ချိုး ဖောက်ခဲ့ရင် တပ်မတော် စည်းကမ်းဥပဒေအရ အရေးယူခံရမှာဖြစ်တယ်။

ဒါပေမဲ့ လက်တွေ့မှာ ဒီစည်းကမ်းတွေကို ဘယ်သူတွေ ချိုးဖောက်ခဲ့သလဲ။

ဗိုလ်နေ၀င်းဟာ တပ်မတော်ကာကွယ်ရေးဦးစီးချုပ်ဆိုတဲ့ သူရထားတဲ့ အဆင့်နေရာကို အသုံးချပြီး ၁၉၆၂ ခုနှစ်မှာ ဖွဲ့စည်းပုံအခြေခံဥပဒေအရ တရားဝင် အာဏာရထားတဲ့ ပြည်ထောင်စုအစိုးရ ( ပထစ ) ထံက အာဏာလုယူလိုက်တယ်။ ၁၉၄၈ ခု လွတ်လပ်ရေးရချိန်မှစပြီးတရားဝင်ပြဋ္ဌာန်းကျင့်သုံးခဲ့တဲ့၁၉၄ရ ခုနှစ် အခြေခံဥပဒေကို ဖျက်သိမ်းပစ်လိုက်တယ်။ တချိန်တည်းမှာ ဗိုလ်နေ၀င်းစစ်အုပ်စုလက်တဆုပ်စာရဲ့ အကျိုးစီးပွားအရပ်ရပ်ကို ကာကွယ်တဲ့ ၁၉၇၄ အခြေခံဥပဒေကို ရေးဆွဲ အဓမ္မအတည်ပြုပြီး အာဏာသိမ်းအစိုးရကို တရားဝင်ဖြစ်အောင်လုပ်ခဲ့တယ်။ အဲ့ဒီအချိန်ကစပြီး ပြည်သူ့အခွန်ဘဏ္ဍာငွေတွေနဲ့ တည်ထောင်ထားတဲ့တပ်၊ ပြည်သူ့ရင်သွေးတွေနဲ့ ဖွဲ့စည်းထားတဲ့ ပြည်သူ အများပိုင်တဲ့တပ်ဟာ စစ်အာ ဏာရှင်ဗိုလ်နေ၀င်းရဲ့ လုယက်အပိုင်စီးတာကို ခံခဲ့ရတယ်။

တကယ်တော့ ဗိုလ်ချုပ်အောင်ဆန်းဦးစီးတည်ထောင်ခဲ့တဲ့ တပ်မတော်ဟာ နယ်ချဲ့။ ဖက်ဆစ်ဆန့် ကျင်ရေး အမျိုးသားလွတ်လပ်ရေးတိုက်ပွဲအတွင်းက ပေါက်ပွားလာတဲ့ မျိုးချစ်ပြည်ချစ်တပ်မတော်ဖြစ်တယ်။ ဒါက သမိုင်းအချက်အလက်မှန်ပဲဖြစ်တယ်။ ဒါပေမယ့် ၁၉၄ဂ ပြည်တွင်းစစ်စတင်ချိန်က စပြီး တပ်မတော်ရဲ့ အမျိုးသားလက္ခဏာ၊ အစဉ်အလာကောင်းတွေဟာ တဖြည်ဖြည်းနဲ့ ပျောက်ဆုံးသွားခဲ့ပြီဖြစ်တယ်။ အမျိုး သားစည်းလုံးညီညွတ်မှုဖြိုခွဲရေး၊ ပြည်တွင်းစစ်ကို တိုက်နေတဲ့တပ်၊ လူမျိုးတိုင်း တန်းတူသွေးစည်းရေးကို ဆန့်ကျင်ပြီး လူမျိုးကြီးဝါဒအရ လူမျိုးစုများအပေါ် မတရားစစ်ပြုနေတဲ့တပ်အဖြစ် ပြောင်းသွားခဲ့ပြီဖြစ်တယ်။  လက်ရှိနောက်ဆုံးအဆင့်မှာ ဒီမိုကရေစီအတွေးအခေါ်နဲ့ လုပ်ဟန်မှန်သမျှကိုဆန့်ကျင်တဲ့တပ်။ ဗိုလ်ချုပ် အောင်ဆန်းကို ဆန့်ကျင်တဲ့တပ်၊ စစ်အုပ်စုလက်တဆုပ်စာရဲ့ အရပ်ရပ်သော အကျိုးစီးပွားများကို ကာကွယ် ရာမှာ အသုံးချခံနေရတဲ့တပ်၊အဖြစ်ပြောင်းလဲသွားခဲ့ပြီဖြစ်တယ်။ ဒါဟာလည်း အနီးကပ် သမိုင်းဆိုင်ရာ အ ချက်အလက်မှန်တွေပဲဖြစ်တယ်။

အဝေးရောက် ပြည်သူ့ဒီမိုကရေစီတော်လှန်ရေး တိုက်ပွဲဝင်ရဲဘော်တဦးထံမှ

ဒီမိုကရေစီရေး တိုက်ပွဲဝင် ရဲဘော်တဦးထံ ပေးစာ (၂)           



ကိုသစ္စာရေ....



ကျွန်တော်ရဲ့ ပထမ ပေးစာကို ဖတ်ရတယ်။ ဖတ်ပြီးလက်ခံစဉ်းစားရမယ့် အချက်တွေ ပါသလို မတူကွဲ ပြားချက်တွေလည်း ရှိတယ်လို့ သိရလို့

ဝမ်းသာအားတက်မိတယ်။ မတူတာတွေ ရှိနေတာ သဘာဝကျပါတယ်။ မတူတာတွေကို အချိန်ယူ ဆွေးနွေးညှိနှိုင်းကြတာပေါ့။ ဒီမို ကရေစီဆိုတာ ဒါပဲမဟုတ်လား။

တဆက်တည်းမှာပဲ သိပ္ပံနည်းကျ ဆိုရှယ်လစ်ဝါဒနဲ့ ပတ်သက်ပြီး ရေးလာမယ့်စာကို ကြိုဆိုနေကြောင်း သိလိုက်ရလို့ ၀မ်းသာပါတယ်။

ခင်ဗျားက ကျွန်တော့်စာထဲမှာပါတဲ့အတိုင်း “ကမ္ဘာပေါ်မှာ ပထမဦးဆုံးသော ဆိုရှယ်လစ် နိုင်ငံတော် ကြီးဖြစ်တဲ့ ဆိုဗီယက်ပြည်ထောင်စုကြီးနဲ့

အရှေ့ဥရောပ ဆိုရှယ်လစ်နိုင်ငံတွေ အသွေးအရောင်ပြောင်းသွားတဲ့ အရေးအခင်းကြီးပေါ်လာတော့ ဓနရှင်လူတန်းစားအတွေးအခေါ်ပညာရှင်တွေက

အရင်းရှင်စနစ်သာလျှင် လူသား တွေ နောက်ဆုံးတောင့်တနေတဲ့ စနစ် ဖြစ်လေဟန်၊ ကွန်မြူနစ်စနစ် ကမ္ဘာပေါ်က ပျောက်သွားလေဟန် ၀ါဒ ဖြန့်ခဲ့ကြတယ်။ ဒါကို

ကျွန်တော်က လက်မခံဘူး။ ဒါပေမဲ့ ကွန်မြူနစ်လှုပ်ရှားမှု နောက်ပြန်ဆုတ်မှု၊ ကွေ့ကောက် သွားမှုအဖြစ်တော့ အမှန်တကယ်ပဲ အသိအမှတ်ပြုတယ”်လို့

ရေးထားတာကို ဖတ်ရတော့ အံ့အား သင့်မိတယ်။ ကွန်မြူနစ်စနစ်ဟာ ကမ္ဘာပေါ်က တကယ်ပျောက်သွားတာမဟုတ်ရင် လက်ရှိ ကွန်မြူနစ်လှုပ်ရှားမှုအခြေအနေက

ဘယ်လိုလဲ။ ဖြစ်နိုင်ရင် မိတ်ဆက်ပြပါလားလို့ .... ဆိုလာတော့....

အဝေးရောက် ပြည်သူ့ ဒီမိုကရေစီရေး တိုက်ပွဲဝင်ရဲဘော်တဦးက
ဒီမိုကရေစီရေး  တိုက်ပွဲဝင်ရဲဘော်တဦးထံပေးစာ (၃)

ကိုသစ္စာရေ...

ပြီးခဲ့တဲ့ပေးစာ အမှတ် ၂ မှာ အရင်းရှင်သတင်းမီဒီယာတွေက ဖုံးကွယ်ထားတဲ့ ကမ္ဘာ့ ကွန်မြူ နစ်လှုပ်ရှားမှုကို အကြမ်းဖျင်း သိခွင့်ရလို့ ၀မ်းသာကြောင်းနဲ့ “အနာဂတ်ကို ကွန်မြူနစ်တွေက ပိုင်ဆိုင်မြဲ ပိုင်ဆိုင်နေတယ်” ဆိုတဲ့ ကျွန်တော်ရဲ့ ရေးသားချက်ကို စိတ်ဝင်စားမိတယ်၊ ကျွန်တော် ဘာကြောင့် ဒီ လို ယုံကြည်နေရတာလဲလို့ နားလည်ကြည့်ချင်တယ်၊ ဖြစ်နိုင်ရင် ဆက်ရေးပါဦးလို့ ခင်ဗျားက အ ကြောင်း ပြန်လာလို့ ကျွန်တော် ၀မ်းသာမိပါတယ်။

ပထမဆုံး ကျွန်တော် ကိုသစ္စာတို့ကို ကတိပေးလိုက်ချင်တာ တခုကတော့ သတင်းမီဒီယာ တွေက ဖုံးကွယ်ထားတဲ့ ကမ္ဘာ့ကွန်မြူနစ်လှုပ်ရှားမှု အခြေအနေများကို အလျဉ်းသင့်ရင် သင့်သလို မိတ်ဆက်ပေးသွားပါ့မယ် ဆိုတာပါပဲ။
အခုဆက်ပြီး ကိုသစ္စာ စိတ်ဝင်စားတဲ့ အနာဂတ်ကို ကွန်မြူနစ်တွေက ပိုင်ဆိုင်မြဲ ပိုင်ဆိုင်နေ တယ်ဆိုတဲ့ ကျွန်တော်ရဲ့ ယုံကြည်ချက်နဲ့ ပတ်သက်ပြီး ကျွန်တော့်ခံယူမှုတွေကို ရေးသွားပါမယ်။